Buxoro viloyati, Kogon shahar davlat soliq inspeksiyasi rahbariyati terimchilar holidan xabar olish maqsadida “Kenja Saidabonu Madad” fermer xo‘jaligi paxta dalalarida bo‘lib, ilg‘or terimchilarga sovg‘a ulashdi. Bu haqda “Daryo”ga Buxoro viloyati davlat axborot xizmati ma’lum qildi.
Ma’lum qilinishicha, Kogon tumani “Hukumatobod” mahalla fuqarolar yig‘inidagi 6 ta qishloqdan ayni paytda 500 ga yaqin fuqaro ixtiyoriy ravishda fermer xo‘jalik dalalarida paxta terib, daromad topmoqda.
Terimchilar “Kogon—Qo‘ng‘irog‘ot Ravshan” fermer xo‘jaligida paxta terimidan kuniga 150 ming so‘mdan 200 ming so‘mgacha daromad topmoqda.
Qo‘shimcha qilinishicha, Buxoroda paxta yig‘im-terimi mavsumida 3 million so‘m va undan ortiq foyda ko‘rishni istovchi fuqarolar va ish bilan band bo‘lmagan aholi uchun tuman (shahar) bandlikka ko‘maklashish markazlarida “Call xizmati” tashkil etilgan. Paxta dalalarida tekin tushlik, eng ko‘p paxta tergan terimchiga turli sovg‘alar (telefon, dazmol, televizor, gilam va turli xil matolar), xohlovchilar uchun bepul “uy bog‘chalari” tashkil etilgan bo‘lib, terimchilar maxsus avtobuslardan bepul foydalanadi.
Izoh (0)