Majburiy ijro byurosi tomonidan Qo‘ng‘irotda 11 milliard so‘mdan ortiq soliq qarzi undirildi. Bu haqda “Daryo”ga Majburiy ijro byurosi matbuot xizmati xabar berdi.
Ma’lum qilinishicha, qarzdor “Ustyurtgaz”dan Mo‘ynoq tuman davlat soliq inspeksiyasi foydasiga 11 846 500 000 so‘m soliq qarzi va davlat foydasiga 236 929 600 so‘m davlat boji undirgan.
“Ustyurtgaz”ga tegishli bo‘lgan 6 ta avtomashina, 60 turdagi ofis jihozlari hamda 2 turdagi ko‘chmas mulki xatlovga olingan.
“Qarzdor tashkilotga tegishli bo‘lgan mol-mulklar hatlanganidan ko‘p o‘tmay tashkilot tomonidan 25-sentabrda 11 milliard 846 million 481 ming 100 so‘m soliq qarzdorligi undirilgan”, — deyiladi xabarda.
Avvalroq MIB tomonidan Bo‘stonliqda 1 milliard so‘m soliq qarzdorligi undirilgani, Andijonda gazdan noqonuniy foydalanib, davlat budjetiga 4 milliard so‘mdan ortiq miqdorda zarar yetkazilgani aniqlangani haqida xabar bergandik.
Izoh (0)