Бухоро вилояти, Когон шаҳар давлат солиқ инспекцияси раҳбарияти теримчилар ҳолидан хабар олиш мақсадида «Кенжа Саидабону Мадад» фермер хўжалиги пахта далаларида бўлиб, илғор теримчиларга совға улашди. Бу ҳақда «Дарё»га Бухоро вилояти давлат ахборот хизмати маълум қилди.
Маълум қилинишича, Когон тумани «Ҳукуматобод» маҳалла фуқаролар йиғинидаги 6 та қишлоқдан айни пайтда 500 га яқин фуқаро ихтиёрий равишда фермер хўжалик далаларида пахта териб, даромад топмоқда.
Теримчилар «Когон—Қўнғироғот Равшан» фермер хўжалигида пахта теримидан кунига 150 минг сўмдан 200 минг сўмгача даромад топмоқда.
Қўшимча қилинишича, Бухорода пахта йиғим-терими мавсумида 3 миллион сўм ва ундан ортиқ фойда кўришни истовчи фуқаролар ва иш билан банд бўлмаган аҳоли учун туман (шаҳар) бандликка кўмаклашиш марказларида «Call хизмати» ташкил этилган. Пахта далаларида текин тушлик, энг кўп пахта терган теримчига турли совғалар (телефон, дазмол, телевизор, гилам ва турли хил матолар), хоҳловчилар учун бепул «уй боғчалари» ташкил этилган бўлиб, теримчилар махсус автобуслардан бепул фойдаланади.
Изоҳ (0)