Toshkent viloyati Yangiyo‘l tumanida “Toshkent—Termiz” yo‘lining 82 kilometrida M.S. boshqaruvida harakatlanib ketayotgan “ZIL-130” yuk mashinasida yong‘in sodir bo‘ldi.
Davlat yong‘in xavfsizligi xizmati xabariga ko‘ra, hodisa 2-oktabr, chorshanba kuni soat 20:26 larda yuz bergan.
Qayd etilishcha, voqea joyiga bitta yong‘in o‘chirish bo‘linmasi jalb etilgan. Ko‘rilgan tezkor harakatlar natijasida yong‘in soat 20:42 da o‘rab olinib, soat 21:00 da bartaraf etilgan.
Hodisa oqibatida yuk avtomobilining saloni, motor qismi va old shinalari yonib zararlangan. Bundan tashqari yuk mashinasi haydovchisi 27 yoshli M.S. va ikki nafar 27 yoshli yo‘lovchi: S.I. va N.A. kuyish tan jarohati olib shifoxonaga yuborilgan.
Yong‘in sababi va moddiy zarar miqdori aniqlanmoqda.
Izoh (0)