MGM mehmonxonalar tizimi boshqaruvchisi 2017-yilda Las Vegasda sodir bo‘lgan ommaviy qotillik qurbonlarining oila a’zolariga 735 million dollardan 800 milliongacha to‘lab berilishiga rozi bo‘ldi. Bu haqda Tjournal xabar berdi.
Kompensatsiyaning aniq summasi arz qilganlar soniga qarab 2020-yilda sud nihoyasiga yetgach oydinlashadi.
Arz qilganlarning advokati Robert Egletning so‘zlariga ko‘ra ushbu kelishuv 1-oktabr, seshanba kuni sodir etilgan mudhish qotillik sabab odamlar ongida yuzaga kelgan kemtiklikni sal bo‘lsa ham yumshata oladi.
Bu pullar halok bo‘lganlarni yana hayotga qaytarmaydi yoki ularning yaqinlari xotirasidagi dahshatli voqealarni o‘chirib tashlamaydi, biroq bu to‘lov halok bo‘lganlarning oila a’zolari oldida adolatning qaror topishi bo‘ladi, deydi Robert Eglet.
2017-yil 1-oktabrda Las Vegasda AQSh tarixidagi eng katta ommaviy qotillik kuzatilgan: Stiven Peddok musiqa festivali mehmonlariga qarata o‘q uzgan. MGM Resorts mehmonxonasi 32-qavatidagi nomerdan turib odamlarni otgan qotil 58 nafar insonni o‘ldirgan va 500 dan ortiq mehmonni yaralagandi. Peddok politsiya yetib kelguniga qadar o‘zini o‘zi o‘ldirgan.
Izoh (0)