MGM меҳмонхоналар тизими бошқарувчиси 2017 йилда Лас Вегасда содир бўлган оммавий қотиллик қурбонларининг оила аъзоларига 735 миллион доллардан 800 миллионгача тўлаб берилишига рози бўлди. Бу ҳақда Tjournal хабар берди.
Компенсациянинг аниқ суммаси арз қилганлар сонига қараб 2020 йилда суд ниҳоясига етгач ойдинлашади.
Арз қилганларнинг адвокати Роберт Эглетнинг сўзларига кўра ушбу келишув 1 октябрь, сешанба куни содир этилган мудҳиш қотиллик сабаб одамлар онгида юзага келган кемтикликни сал бўлса ҳам юмшата олади.
Бу пуллар ҳалок бўлганларни яна ҳаётга қайтармайди ёки уларнинг яқинлари хотирасидаги даҳшатли воқеаларни ўчириб ташламайди, бироқ бу тўлов ҳалок бўлганларнинг оила аъзолари олдида адолатнинг қарор топиши бўлади, дейди Роберт Эглет.
2017 йил 1 октябрда Лас Вегасда АҚШ тарихидаги энг катта оммавий қотиллик кузатилган: Стивен Пэддок мусиқа фестивали меҳмонларига қарата ўқ узган. MGM Resorts меҳмонхонаси 32-қаватидаги номердан туриб одамларни отган қотил 58 нафар инсонни ўлдирган ва 500 дан ортиқ меҳмонни яралаганди. Пэддок полиция етиб келгунига қадар ўзини ўзи ўлдирган.
Изоҳ (0)