Davomi: Vladimir Putin tanqid qilgan shvetsiyalik o‘smir qiz Twitter’dagi profilini o‘zgartirib qo‘ydi
Putinning so‘zlariga ko‘ra, u Tunbergning gaplaridan umumiy taassurot olganini qayd etdi.
“Hech kim Gretaga zamonaviy dunyo rang-barang va murakkabligini, Afrika yoki Osiyo mamlakalatlarida yashovchi odamlar ham Shvetsiyadagi kabi sharoitlarda yashashni orzu qilishini tushuntirmagan”, — deydi Putin.
Mavzuga doir: BMT bosh konferensiyasida nutq so‘zlab katta shov-shuvga sabab bo‘lgan qizaloq Greta Tunberg kim va u nimaga erishmoqchi?
1-oktabr, seshanba kuni Rossiya liberal demokartik partiyasi 24 yoshli deputati Vasiliy Vlasov Shvetsiya elchixonasiga xat yuborgan va Greta Tunbergni Rossiya quyi palatasida nutq so‘zlashga chaqirgan. Siyosatchi o‘z maktubida Tunbergning irodasi va tashabbuskorligidan hayratga tushgani va rus yoshlarini ham ekologik muammolar tashvishga solishini yozgan. Ammo oradan hech qancha vaqt o‘tmay Davlat dumasi hech bir deputat bunday o‘zboshimchalik qilmasligi kerakligi va bu kabi qarorlar Duma kengashida o‘rganib chiqilishini ma’lum qilgan.
23-sentabrda Tunberg BMT sammitida iqlim o‘zgarishlari haqida ta’sirli nutq so‘zlagan va davlatlar rahbarlarini ushbu jarayonga befarqlikda, o‘z bolaligini tortib olganlikda ayblagandi. Uning so‘zlariga ko‘ra, yaxlit ekotizimlar nobud bo‘lmoqda va zamonaviy siyosatchilar ushbu muammoni hal etmasa, masala yechimi u bilan tengdosh avlodlar zimmasiga tushadi.
Izoh (0)