Artel kompaniyasi Ustozlar va murabbiylar kuni bilan tabriklaydi.
Barchamiz barkamol bo‘lib voyaga yetishimizda, ilm o‘rganib o‘z yurtining gullab yashnashiga hissa qo‘sha oladigan munosib fuqaro bo‘lib shakllanishimizda muhtaram ustozlarning o‘rni beqiyosdir. Xalqimizda “Ustoz otangdek ulug‘” degan naql bor. Haqiqatan ham, hurmatli ustozlarimiz ota-onalarimizdek aziz va jonkuyar, mehribon va sevimlidirlar. Yosh avlodga bilim va tarbiya berib, ularni umuminsoniy qadriyatlar bilan yaqindan tanishtirib, Vatanimizning kelajagi poydevorini yaratayotgan bu olijanob, ulug‘ insonlarga Artel kompaniyasi o‘z minnatdorchiligini bildiradi.
Ustoz deganda barchamizning ko‘nglimizda chuqur xurmat va ehtirom tuyg‘ulari uyg‘onadi. Oradan qancha vaqt o‘tmasin, sevimli o‘qituvchilarimizni yodga olganda, qalbimizda minnatdorchilik hissi bilan birgalikda qarzdorlik hissi ham paydo bo‘ladi.
Artel kompaniyasi rahbariyati shu kasbga o‘z hayotini baxshida etib, yosh avlodga uzoq yillar davomida ilm o‘rgatib, xizmat ko‘rsatgan o‘qituvchilarni Ustoz va murabbiylar kuni bilan qutladi va esdalik sovg‘alari bilan taqdirladi. Tantanali taqdirlash marosimi 244 hamda 307-maktablarda bo‘lib o‘tdi.
Aziz o‘qituvchilar, Artel kompaniyasi barchangizni Ustozlar va murabbiylar kuni bilan chin dildan qutlaydi. Sizga uzoq umr, sihat-salomatlik tilaydi, xonadoningizga fayz-baraka tilaydi.
Barcha ezgu niyatlaringiz ijobat bo‘lishini, xalq e’tirofiga, e’zoziga munosib bo‘lish baxti nasib etishini, hamda yosh avlodlarimiz barkamol voyaga yetishishida mashaqqat bilan amalga oshirayotgan barcha ezgu ishlaringizga omad tilab qoladi. Bayramingiz muborak bo‘lsin, azizlar!
Reklama huquqi asosida.
Izoh (0)