Artel компанияси Устозлар ва мураббийлар куни билан табриклайди.
Барчамиз баркамол бўлиб вояга етишимизда, илм ўрганиб ўз юртининг гуллаб яшнашига ҳисса қўша оладиган муносиб фуқаро бўлиб шаклланишимизда муҳтарам устозларнинг ўрни беқиёсдир. Халқимизда «Устоз отангдек улуғ» деган нақл бор. Ҳақиқатан ҳам, ҳурматли устозларимиз ота-оналаримиздек азиз ва жонкуяр, меҳрибон ва севимлидирлар. Ёш авлодга билим ва тарбия бериб, уларни умуминсоний қадриятлар билан яқиндан таништириб, Ватанимизнинг келажаги пойдеворини яратаётган бу олижаноб, улуғ инсонларга Artel компанияси ўз миннатдорчилигини билдиради.
Устоз деганда барчамизнинг кўнглимизда чуқур хурмат ва эҳтиром туйғулари уйғонади. Орадан қанча вақт ўтмасин, севимли ўқитувчиларимизни ёдга олганда, қалбимизда миннатдорчилик ҳисси билан биргаликда қарздорлик ҳисси ҳам пайдо бўлади.
Artel компанияси раҳбарияти шу касбга ўз ҳаётини бахшида этиб, ёш авлодга узоқ йиллар давомида илм ўргатиб, хизмат кўрсатган ўқитувчиларни Устоз ва мураббийлар куни билан қутлади ва эсдалик совғалари билан тақдирлади. Тантанали тақдирлаш маросими 244 ҳамда 307-мактабларда бўлиб ўтди.
Азиз ўқитувчилар, Artel компанияси барчангизни Устозлар ва мураббийлар куни билан чин дилдан қутлайди. Сизга узоқ умр, сиҳат-саломатлик тилайди, хонадонингизга файз-барака тилайди.
Барча эзгу ниятларингиз ижобат бўлишини, халқ эътирофига, эъзозига муносиб бўлиш бахти насиб этишини, ҳамда ёш авлодларимиз баркамол вояга етишишида машаққат билан амалга ошираётган барча эзгу ишларингизга омад тилаб қолади. Байрамингиз муборак бўлсин, азизлар!
Реклама ҳуқуқи асосида.
Изоҳ (0)