Afg‘onistonda bo‘lib o‘tgan prezidentlik saylovi qonuniyligi shubhalarga sabab bo‘lishi mumkinligi aytildi

Afg‘onistonda bo‘lib o‘tgan prezidentlik saylovida ovoz berganlar soni o‘tgan galgi saylovlar ishtirokchilarining yarmidan kamrog‘ini tashkil etgani ularning qonuniyligi borasida shubhalarga sabab bo‘lishi mumkin. G‘arb OAVlari shunday xulosaga kelmoqda.

Washington Post nashriga ko‘ra, kim g‘olib sifatida e’lon qilinishidan qat’i nazar, bu kelgusi hukumatni zaiflashtirishi mumkin bo‘lgan anchayin xunuk ko‘rsatkich.

“G‘olib uchun asosiy masala “Tolibon” harakati bilan tinchlik kelishuvini ta’minlash bo‘ladi. Biroq saylovchilar soni kam bo‘lgani kelgusi prezidentning muzokaralar davrasiga da’vogarligini yo‘qqa chiqarishi mumkin”, — deya yozadi Washington Post.

G‘arb OAVlariga ko‘ra, qonuniylik borasidagi gumonlar boshqa sabab tufayli ham yuzaga kelishi mumkin.