Toshhovuz viloyatining S.A.Niyozov tumanida xususiy parrandachilik fermasi quriladi, deb xabar berdi “Turkmenistan: oltin asr” agentligi. Kompleksning umumiy maydoni 6,5 gektarni tashkil qilishi va unda yiliga 10 million tuxum ishlab chiqarilishi ko‘zda tutilgan.
Avval 2018-yil may oyida Mari viloyatida yiliga 5 million tuxum hamda 500 tonna tovuq go‘shti yetkazib berish quvvatiga ega parrandachilik kompleksi ishga tushirilgan. Shuningdek, Turkmaniston 2018-yildan xorijga tuxum eksport qilishni boshlagan.
Shu yilning may oyida Ahal viloyati hokimining o‘rinbosari Serdar Berdimuhamedov yiliga 30 million tuxum va 80 tonna tovuq go‘shti yetkazib beradigan parrandachilik fermasini ochgandi.
Izoh (0)