“Tolibon” harakati Afg‘onistondagi prezidentlik saylovlarida 8 nafar kuzatuvchini o‘g‘irlab ketdi

29-sentabr kuni Afg‘oniston shimolidagi Parvon viloyatida bosh vazir Abdulla Abdullaning saylovoldi shtabida bo‘lgan sakkiz nafar kuzatuvchi o‘g‘irlab ketildi, deb xabar beradi “Afghanistan.ru”.

Viloyat gubernatori matbuot xizmatining ma’lum qilishicha, kuzatuvchilar Shinvari shaharchasidagi saylov uchastkasida ishlagan. Ular uyiga qaytayotganida “Tolibon” harakati jangarilari tomonidan o‘g‘irlab ketilgan.

Ta’kidlanishicha, ayni vaqtda asirlarni ozod etish bo‘yicha muzokaralar o‘tkazilmoqda. Gubernator matbuot kotibi Vahid Shakharning so‘zlariga ko‘ra, politsiya asirlarga biror zarar yetkazib qo‘ymaslik uchun hozircha hech qanday harakatlarni amalga oshirgani yo‘q.