Бир йўла бир неча технологик компания сиёсатчиларнинг нутқи ва постлари, гарчи ижтимоий тармоқлар ички қоидаларига зид бўлса ҳам энди платформадан ўчирилмаслигини эълон қилди. Ушбу баёнотлар Атлантадаги (АҚШ) технологик ва сиёсий фестивалида маълум қилинди. Бу ҳақда «Коммерсантъ» хабар берди.
YouTube раҳбари Сьюзен Войжитскининг фикрича, сайловчилар ва дунёнинг бошқа етакчи сиёсатчилари учун амалдор чиқараётган постларни кузатиб бориш жуда муҳим. Facebook’нинг халқаро муносабатлар ва жамоатчилик билан алоқалар йўналиши вице-президенти Ник Клегг ҳам сиёсатчиларнинг реклама характеридаги материаллардан ташқари бошқа ҳар қандай хабарни чоп қилиши мумкинлигини таъкидлаб ўтди. Лекин Facebook агар материал зўравонликни тарғиб қилса ва зарарли бўлса уни ўчириш ҳуқуқини ўз зиммасида қолдиради.
Twitter бу каби сиёсатдан ўзини тийиб турибди: сиёсатчилар контенти сервис қоидаларини бузса, улар ўчирилмайди, балки бу қоидага зид маълумот эканлиги белгиланган ҳолда ажратиб кўрсатилади.
Изоҳ (0)