Германиядаги энг катта банклардан бири Deutsche Bank дунё молиявий регуляторлари бунга қарши турувчи деярли барча воситаларидан фойдаланиб бўлгани ва глобал иқтисодий рисклар оқибатини енгиллатиш йўлларига эга эмаслигини маълум қилди, деб ёзмоқда «Incrussia».
Deutsche Bank раҳбари Кристиан Шьюинг Лондонда ўтаётган Sibos банклар конференциясида бу борадаги фикрлари билан ўртоқлашди.
«Европа марказий банки ва АҚШ федерал резервидаги каби бизда ҳам реал иқтисодий инқироз таъсирини камайтириш учун воситалар қолмаган», — дейди Шьюинг.
У ўзини бир неча молиявий ва геосиёсий муаммолар, Гонконгдаги вазиятдан бошлаб Яқин Шарқдаги ҳолат билан тугаётган масалалар ташвишга солаётганини қайд этди.
«Дунё аввалдан башорат қилиш қийин ва оғир бўлган фавқулодда макроиқтисодий вазиятга тўқнаш келмоқда. Келажакда инқироз яна ўзгарувчан бўлиши мумкин», — дейди у.
Айни вақтда глобал марказий банклар жумладан, Европа марказий банки ва АҚШ федерал резерви ҳам пул-кредит сиёсатини енгиллаштиришга интилмоқда, сабаби ушбу ташкилотлар иқтисодчиларида рецессия ҳамда дефляция ўсиши юзасидан хавотир мавжуд. Бироқ бундай сиёсат катта резервлар талаб этади ва ҳар доим ҳам самара беравермайди.
Масалан, Европа марказий банки депозит ставкаларини рекорд -0,5 фоизгача туширди. Аммо бу ҳам кутилаётган инқироз таъсирини камайтира олмайди.
«Кам сонли иқтисодчиларгина ундан арзон пуллар ушбу ҳолатда ёрдам беришига ишонмоқда», — дея таъкидлаган Шьюинг Deutsche Bank мижозлари ҳам шу фикрига қўшилганлигига урғу бериб.
Изоҳ (0)