Buyuk Britaniyada 28 yillik ish tajribasiga ega pochtalyon bir daqiqa kechikkani uchun ishdan haydaldi. Jo‘natmaning kechikishida xodimning aybi bo‘lmagan, deb yozadi “Ren.tv”.
Eshford shahrida yashovchi Robert Lokyer pochta jo‘natmasini bankga soat 13:00 ga yetkazishi kerak bo‘lgan. U manzilga belgilangan vaqtdan to‘rt daqiqa avval yetib kelgan. Ammo pochtalyon ichkariga kirish uchun umumiy navbatda turib qolgan va posilka qabul qilib olingani haqidagi qayd qog‘oziga bank xodimi soat 13:01 deb yozgan.
Pochtalyon ishdan ketishi yuzasidan tegishli tartibda shikoyat qilgan, ammo sud Lokyer avval ma’muriy jazoga tortilgani sabab ishni uning foydasiga hal qilmagan. Endi u kasaba qo‘mitasining bu borada ko‘mak berishiga umid qilmoqda.
Izoh (0)