Ukrainaning Kiyev viloyatida Mudofaa ishlari bo‘limi 5 yoshli bolani harbiy xizmatga chaqirdi. Bolakayning onasi o‘g‘li nomiga kelgan chaqiruv qog‘ozini suratga olib uni Facebook’dagi sahifasiga joylashtirgan, deb yozmoqda “Life.ru”.
“Bu holat yuzasidan faqat izohga hojat yo‘q deyish mumkin. O‘g‘limning nomiga harbiy xizmatga chaqiruv qog‘ozi keldi, qizig‘i u hozir 5 yoshda”, — deb yozgan ayol.
Keyinchalik, bunga texnik xato sabab bo‘lgani aniqlangan, aholi ro‘yxatida bolakay tug‘ilgan yil 2013-yildan 2003-yilga o‘zgarib qolgan.
Qishloq fuqarolar yig‘ini xatolik uchun uzr so‘ragan va bolakayning onasidan bu kabi holatlar qayd etilgan vaqtda ijtimoiy tarmoqlarda “jar solmasdan” ma’muriyatga qo‘ng‘iroq qilishni tavsiya etgan.
“Boshqalar ishiga hurmat nazari bilan qaraydigan odamlar shunday yo‘l tutgan bo‘lardi. Faqat hech bir ish qilmagan odamgina xatosiz bo‘ladi. Texnik xatolik uchun uzr so‘raymiz”, — deyiladi QFYning Facebook’dagi sahifasida.
Izoh (0)