Afg‘onistonning Paktika viloyatidagi operatsiya chog‘ida hibsga olingan “Tolibon”ning yosh jangchisi tengdoshlari harakat safida jinsiy zo‘ravonlikka duch kelayotganini bildirdi. Bu haqda Khaama Press xabar bermoqda.
Uning aytishicha, bunga katta yoshdagi jangarilar sabab bo‘lmoqda.
Jangchining bayonotini afg‘on harbiylari izohladi. “Shahin” korpusi qo‘mondonligiga ko‘ra, jangarilar yoshlarni ko‘pincha o‘z saflariga tahdidlar yordamida jalb etadi.
Harbiylarning ta’kidlashicha, “Tolibon” harakatining yosh tarafdorlari jinsiy zo‘ravonlikka duch kelayotgani haqida ko‘plab hujjatlar mavjud.
Shu bilan birga, bundan bir necha yil avval o‘z hisobotlarini e’lon qilgan Yevropa huquq himoyachilari jangarilarga nisbatan bunday ayblovlar ko‘pincha Afg‘oniston maxsus xizmatlari tomonidan tarqatilishi va ularda keltirilgan dalillar qo‘shimcha tekshiruvga muhtojligini bildirgan.
Izoh (0)