Kubada G‘arb diplomatlari salomatligi “akustik hujumlar” tufayli emas, balki insektitsidlar — hasharotlarga qarshi kurash uchun qo‘llanadigan vositalar sababli yomonlashgan bo‘lishi mumkin. Bu haqda Reuters ma’lum qildi, deya xabar beradi Meduza.
Qayd etilishicha, 2016—2018-yillari, AQSh va Kanada diplomatlari hech bir sababsiz tobi qochayotganidan shikoyat qilgan vaqtlar Kubada chivinlar tashuvchi Zika bezgagiga qarshi pestitsidlar faol qo‘llangan.
Delxauzi universiteti olimlari va Yangi Shotlandiya sog‘liqni saqlash xizmati mutaxassislari Kanada diplomatlarini Kubadan evakuatsiya qilinishi bilanoq tekshiruvdan o‘tkazgan. Shuningdek, elchixona xodimlari uyida yashagan itlardan biri ham o‘rganilgan.
Tadqiqotchilar miyaning neyrotoksinlar xurujiga zaif ayrim qismlarida shikastlanishlar mavjudligini aniqladi. Ularda asab tizimi faoliyatiga xalaqit beradigan xolinesteraza fermenti ishlay olmagan. Bu ferment ishiga esa hasharotlarga qarshi ayrim vositalar ta’sir qilishi mumkin.
Izoh (0)