19-sentabr kuni Toshkentda “Ma’naviyat festivali” boshlandi. Bu haqda shahar hokimligi matbuot xizmati ma’lum qildi.
Festival doirasida 21-sentabrgacha poytaxtda turli ma’rifiy tadbirlar bo‘lib o‘tadi.
Jumladan, 19-sentabr kuni “Yoshlar ijod saroyi”da “Tafakkur” intellektual o‘yini, Abulqosim madrasasida “Qadimgi va bugungi Toshkent uyg‘unligi” mavzusida tadbir, 20- sentyabr kuni Toshkentdagi qadamjolarga sayohat uyushtiriladi, “Ziyo ulashib” loyihasi doirasida kitoblar taqdim etiladi.
Shu kuni Sayilgoh ko‘chasida “Milliylikka yo‘g‘rilgan san’at” shiori ostida bayram marosimi nishonlanadi.
21-sentabr kuni O‘zbek milliy akademik drama teatrida festivalning yakuniy bosqichi o‘tkazilishi ko‘zda tutilgan.
Tashkilotchilar barcha tadbirlar bepul ekanligini bildirmoqda.
Izoh (0)