Toshkentda korxona rahbari kreditga olingan 7 ta mashinani sotib yuborgani ma’lum bo‘ldi

Toshkentda kreditga olingan mashinalarni noqonuniy ravishda sotib yuborgan MChJ rahbari ma’lum bo‘ldi. Bu haqda “Daryo”ga huquq-tartibot organlaridagi manbalari xabar berdi.

Ma‘lum qilinishicha, “C.A.E.”, “A.V.” va “B.M.K.” MChJlar ta’sischisi hamda rahbari Odil Dadaxonov (ismi o‘zgartirilgan) tomonidan “Ipak Yo‘li” bankidan kreditga olingan 1 ta “Avtobetonmikser”, 2 ta Laсetti, 2 ta Malibu-2, 1 ta Trecker va 1 ta Lada Vesta SW Cross avtomashinalarni kredit ta’minoti sifatida garovga qo‘yilmasdan sotib yuborilgan.

Hozirda Odil Dadaxonov nisbatan Jinoyat kodeksining 167-moddasi 3-qismi “a” bandi bilan jinoyat ishi qo‘zg‘atilib, tergov harakatlari o‘tkazilmoqda.