Toshkentda fuqaro Anvar Ikromov (ismi o‘zgartirilgan) 600 litr etil spirtini boshqa bir fuqaroga noqonuniy ravishda sotayotgan payt qo‘lga olingan. Bu haqda “Daryo”ga huquq-tartibot organlaridagi manbalari ma’lum qildi.
Qayd etilishicha, “A.K.I” MChJ rahbari Anvar Ikromov spirtni jami 19,2 million so‘mga Rustam Polvonovga (ismi o‘zgartirilgan) sotgan payt voqea joyida qo‘lga olingan. Anvar Ikromovdan jami 23 million so‘mlik 612 litr etil spirti ashyoviy dalil sifatida olib qo‘yilgan.
Hozirda Anvar Ikromovga nisbatan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari boshlab yuborilgan.
Izoh (0)