Venesuela hukumati muxolifatning ayrim vakillari bilan muzokaralar olib borib, siyosiy munozaralar maydoniga aylanadigan maxsus organ — Milliy kengashni tuzishga muvaffaq bo‘lganini e’lon qildi, deb xabar beradi “Kommersant”.
Muxolifat tomonidan esa Timoteo Sambrano ushbu qarorga sodiqligini bildirdi.
“Biz hukumat va yechim topish istagida bo‘lgan amaldagi shaxslar o‘rtasida dialogga yordam beradigan kengashni tuzmoqchimiz”, — deydi Venesuela axborot va aloqa vaziri Xorxe Rodriges.
Uning so‘zlariga ko‘ra, tomonlar yangi Markaziy saylov komissiyasini chaqirish, mahbuslarni ozod qilish, shuningdek, Venesuela Birlashgan sotsialistik partiyasi faoliyatini Milliy assambleyada tiklashga (prezident Nikolas Maduro boshchiligidagi ijroiya hokimiyati nazoratida) kelishib olgan. Muxolifat tomonidan bitimni Klaudio Fermin (“Venesuela uchun qaror”), Timoteo Sambrano (“O‘zgaramiz”) va Luis Romero (“Progressiv Avangard”) tomonidan imzolagan.
Eslatib o‘tamiz, Venesuela muxolifatining asosiy yetakchisi Xuan Guaydo avgust oyining oxirida Maduro hukumatiga bosim o‘tkazishni kuchaytirishni yoqlab chiqqandi.
Izoh (0)