Венесуэла ҳукумати мухолифатнинг бир қисми билан келишувга эришганини маълум қилди

Венесуэла ҳукумати мухолифатнинг айрим вакиллари билан музокаралар олиб бориб, сиёсий мунозаралар майдонига айланадиган махсус орган — Миллий кенгашни тузишга муваффақ бўлганини эълон қилди, деб хабар беради «Коммерсантъ».

Мухолифат томонидан эса Тимотео Самбрано ушбу қарорга содиқлигини билдирди.

«Биз ҳукумат ва ечим топиш истагида бўлган амалдаги шахслар ўртасида диалогга ёрдам берадиган кенгашни тузмоқчимиз», — дейди Венесуэла ахборот ва алоқа вазири Хорхе Родригес.

Унинг сўзларига кўра, томонлар янги Марказий сайлов комиссиясини чақириш, маҳбусларни озод қилиш, шунингдек, Венесуэла Бирлашган социалистик партияси фаолиятини Миллий ассамблеяда тиклашга (президент Николас Мадуро бошчилигидаги ижроия ҳокимияти назоратида) келишиб олган. Мухолифат томонидан битимни Клаудио Фермин («Венесуэла учун қарор»), Тимотео Самбрано («Ўзгарамиз») ва Луис Ромеро («Прогрессив Авангард») томонидан имзолаган.

Эслатиб ўтамиз, Венесуэла мухолифатининг асосий етакчиси Хуан Гуайдо август ойининг охирида Мадуро ҳукуматига босим ўтказишни кучайтиришни ёқлаб чиққанди.