AQSh mudofaa vaziri Mark Esperning ma’lum qilishicha, AQSh o‘z hamkorlari bilan birgalikda dunyo tartibini buzayotgan Eronga qarshi turish niyatida. Pentagon rahbari bu boradagi vaziyat haqida Oq uyga hisobot bergan, deb xabar qiladi “Kommersant”.
“AQSh Qurolli kuchlari va idoralararo guruhi ushbu misli ko‘rilmagan hujumga hamda dunyoda tartibsizlik keltirib chiqarayotgan Eronga qarshi turish ustida ish olib bormoqda”, — deb yozadi Esper o‘zining Twitter’dagi sahifasida.
Eslatib o‘tamiz, o‘tgan haftaning oxirida Saudiya Arabistonidagi Saudi Aramco neftni qayta ishlash kompaniyasining obyektlariga dronlar orqali hujum uyushtirilgan edi. Mazkur hujum bo‘yicha mas’uliyatni yamanlik isyonchi xusiylar zimmasiga oldi. Biroq AQSh sodir bo‘lgan voqeada Eronni aybdor deb hisoblamoqda. Tehron esa ayblovni rad etmoqda.
Izoh (0)