DXX Qashqadaryo viloyati boshqarmasi hamda Bosh prokuratura huzuridagi departamentning viloyat boshqarmasi xodimlari hamkorligida o‘tkazilgan tezkor tadbir natijasida suyultirilgan gaz mahsulotini talon-toroj qilgan shaxsni qo‘lga oldi, deb xabar beradi O‘zA.
Aniqlanishicha, G‘uzor tumanida joylashgan “Hamro” MChJ rahbari F.Muyanov aholiga imtiyozli narxda berilishi kerak bo‘lgan suyultirilgan gazni talon-toroj qilgan.
Tekshiruvlar davomida mazkur MChJga qarashli maishiy gaz ballonlarni to‘ldirish shoxobchasidan unga yaqin hududda joylashgan F.Muyanovning avtomobillarga gaz quyish xususiy shoxobchasiga yashirin tarzda quvur o‘tkazilganligi oshkor bo‘lgan.
Shuningdek, ushbu shoxobchadan “Zil” avtomashinasida gaz mahsuloti olib chiqilib, Qarshi shahar “Chovqay” mahallasida joylashgan “Avtohamkor” MChJga qarashli avtomobillarga gaz quyish shoxobchasiga sotish uchun yetkazib berilayotganligi ham aniqlangan.
Hozirda mazkur holat yuzasidan tergov-surishtiruv harakatlari olib borilmoqda.
Izoh (0)