Yakkasaroy tumaniga hokim tayinlandi, deya xabar bermoqda Toshkent shahar hokimligi matbuot xizmati.
Xabar berishlaricha, xalq deputatlari Yunusobod tuman Kengashi deputati Anvar Sayfutdinov poytaxtning Yakkasaroy tumaniga hokim etib tayinlangan.
U 2004-yildan hozirgi vaqtgacha “Navro‘z-FT” kompaniyasi, Sanico Trading xususiy korxonasi, Shinkonrakttorg shu’ba korxonasi va Sanico Group kompaniyasida rahbarlik lavozimlarida ishlagani aytilmoqda.
“Anvar Sayfutdinovni tabriklaymiz va Yakkasaroy tumani hokimi sifatidagi faoliyatida yutuqlarga erishishiga umid qilamiz”, — deya tilak bildirilgan poytaxt hokimligi axborotida.
Avvalroq Yakkasaroyning avvalgi hokimi Baxtiyor Shomurotov poytaxtning boshqa — Sergeli tumaniga hokim etib tayinlangani haqida xabar berilgan edi. Sergelining avvalgi hokimi Nozim Husanov esa O‘zbekiston bandlik va mehnat munosabatlari vaziri etib tayinlanishi kutilmoqda — uning nomzodi Oliy Majlis Qonunchilik palatasi deputatlari tomonidan ma’qullangan.
Izoh (0)