AQShning 50 shtati bosh prokurorlari Google kompaniyasiga nisbatan tekshiruv boshladi. Bu haqda Texas shtati bosh prokurori Ken Pekston ma’lum qildi.
Pekstonga ko‘ra, Google onlayn-reklama bozorida asosiy o‘rinni egallab olgan. Bu esa boshqa kompaniyalar o‘sishini tiyishi va iste’molchilar uchun narx oshishiga olib kelishi mumkin.
“Biz kichik va yirik biznesdan yuzlab shunday voqealarni eshitdik. Ular bu holatdan qattiq tashvishda”, — dedi Ken Pekston.
Google kompaniyasida bosh prokurorlarga reklama faoliyati haqida batafsil javob berish uchun 30 kun muddat bo‘ladi.
Izoh (0)