Davlat bojxona qo‘mitasi tomonidan mamlakatga xorijdan import qilinayotgan asosiy xalq iste’mol tovarlarining hajmlari doimiy ravishda tahlil qilib borilmoqda. Bu haqda “Daryo”ga qo‘mita axborot xizmati ma’lum qildi.
Tahlillar mamlakat aholisi uchun zarur bo‘lgan xalq iste’mol tovarlari katta hajmlarda import qilinayotganligi, mazkur holat esa bu turdagi tovarlarga ehtiyoj hamon yuqori ekanligini ko‘rsatmoqda.
Shuningdek, o‘rganishlar import qilinayotgan aksariyat tovarlar respublika tadbirkorlari tomonidan ishlab chiqarilishi mumkinligini, buning uchun esa barcha shart-sharoitlar mavjudligini ko‘rsatdi va Davlat bojxona qo‘mitasi ushbu turdagi mahsulotlar haqida tadbirkorlarimizga batafsil ma’lumotlarni yetkazishni lozim deb topdi.
Hurmatli tadbirkorlar!Sizlarga taqdim etilayotgan ushbu ma’lumotlar respublika aholisi uchun zarur bo‘lgan xalq iste’mol tovarlarini ishlab chiqarishni rejalashtirish va yo‘lga qo‘yish, shuningdek, o‘z biznesingizni yanada kengaytirish orqali mamlakatning iqtisodiy salohiyatini oshirish, qo‘shimcha ishchi o‘rinlarini yaratishda xizmat qiladi degan umiddamiz.
Sizni qiziqtirgan qo‘shimcha ma’lumotlar bo‘yicha qo‘mitaning Tashqi savdo operatsiyalari monitoringi va bojxona statistikasi boshqarmasi (78) 120-76-97 va Axborot xizmati (78) 120-76-17 telefon raqamlariga murojaat qilishingiz mumkin”, — deyiladi murojaatda.
Izoh (0)