“Birodarlik qabristoni” memorial majmuasida qahramon-shaharlarning nomlari yozilgan plitalarga bronza harflari o‘rnatildi, deb xabar bermoqda Toshkent shahar hokimligi axborot xizmati.
Bundan biroz vaqt avval bronza harflar olib tashlanib, ularning o‘rniga plastik harflar o‘rnatilgani ijtimoiy tarmoqlarda keskin noroziliklarga sabab bo‘lgan edi.
“Aslida esa 75 yildan beri turgan bronza harflar talon-toroj qilinib, g‘oyib bo‘lgan edi. Shu bois ularning o‘rniga plastik harflar qo‘yilgan edi. Bu yil ular 9-may — Xotira va qadrlash kuni munosabati bilan o‘tkazilgan rekonstruksiya ishlari munosabati bilan yangilandi”, — deyiladi xabarda.
Qayd etilishicha, qabriston hududida xavfsizlik choralari kuchaytirilgan, xususan majmuaga ko‘plab videokuzatuv kameralari o‘rnatilgan.
Izoh (0)