Boks bo‘yicha WBA, WBO, IBO va IBF yo‘nalishlari chempioni Endi Ruis britaniyalik Entoni Joshua bilan revansh jangi o‘tkazishga rozi bo‘ldi, deya xabar qilmoqda ESPN nashri.
Mazkur jang 7-dekabr kuni Saudiya Arabistonida bo‘lib o‘tadi.
Ta’kidlanishicha, 29 yoshli Joshuaning promouteri meksikalik bokschiga yaxshilangan shartnoma taklif qilgan. Unga ko‘ra, Ruisning gonorari ko‘payadi (dastlabki jangda u 9 million yevroni tashkil qilgandi), yana Endi bo‘lib o‘tishi mumkin bo‘lgan revansh jangining Meksikada translyatsiya qilinish huquqini qo‘lga kiritdi.
Shuningdek, uchrashuvga faoliyati mobaynida kamida 40 ta chempionlik jangida ishlagan hakamlar jalb qilinadi. Ikki tomon ham WADA doping-nazoratidan o‘tishga kelishib olgan.
Eslatib o‘tamiz, avvalroq Ruisning vakillari revansh jangi Saudiya Arabistonida o‘tishiga qarshi chiqayotgan edi.
Yanada ko‘proq boks va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)