«Бавария»—«Ҳерта»
Янги мавсум амалдаги чемпион «Бавария» ва «Ҳерта» жамоалари ўртасидаги ўйин билан старт олди. Мазкур баҳсда мюнхенликлар кутилмаганда очко йўқотди (2:2). Барчаси мезбонлар учун кўнгилдагидек бошланган эди, биринчи бўлим ярмида Роберт Левандовски «Бавария»ни олдинга олиб чиқди. Бироқ берлинликлар 36 ва 38-дақиқаларда иккита гол уриб, ўйининг боришини буткул ўзгартириб юборди. Иккинчи бўлимда «Альянц Арена» эгалари рақиб дарвозасини бир марта ишғол қила олди, 60-дақиқада Левандовски пенальтини аниқ бажарди.
Шу тариқа, Нико Ковач шогирдлари мавсум стартини муваффақиятсиз тарзда бошлади. Бироқ кейинги учрашувга «Бавария» таркибини кучайтириб боради. Немис гранди ўз сафига «Боруссия М» ярим ҳимоячиси Микаэл Кюизанс ва «Барселона» вакили Филиппе Коутиньони қўшиб олди.«Боруссия Д»—«Аугсбург»
Дортмундликлар ўз одатларига мувофиқ мавсумнинг илк ўйинини кўтаринки руҳда ўтказди. Дастлаб илк дақиқадаёқ ўз дарвозасидан тўп олиб чиққан «арилар» кейинчалик «Аугсбург»га бешта гол уришга муваффақ бўлди. Меҳмонларнинг голига Пако Алькасер 3-дақиқадаёқ жавоб қайтарди.
Мезбонлар иккинчи бўлим дебютини жуда яхши ўтказди ва тўққиз дақиқа ичида рақиб дарвозаси уч бор ишғол этилди Жейдон Санчо, Марко Ройс ва Алькасернинг голлари ҳисобни йирик кўринишга олиб келди. Ўйин якунланиши арафасида «Боруссия»нинг янги футболчиси Юлиан Брандт учрашувга чиройли нуқта қўйди.
Таъкидлаш жоиз, дортмундликларнинг янги футболчилари мазкур баҳсда ёмон кўринмади. Торган Азар ва Нико Шульц асосий таркибда тушган бўлса, Брандт захирадан ўйинга қўшилди.«Унион»—«Лейпциг»
Бошқалар
Леверкузеннинг «Байер» клуби голларга бой бўлган учрашувда «Падерборн»ни мағлубиятга учратди. «Айнтрахт» эса Франкфуртда «Ҳоффенҳайм»ни минимал ҳисобда таслим этди. Мартин Ҳинтереггернинг 1-дақиқада урган голи ўйин тақдирини ҳал қилди.
«Боруссия» Мюнхенгладбах ўзида «Шальке-04» билан нурсиз дуранг қайд этган бўлса, «Вольфсбург», «Фрайбург» ва «Фортуна» жамоалари ғалабани қўлга киритган ҳолда уч очкога эга бўлди.
Бундеслига
1-тур баҳслари
16 август, жума
«Бавария»—«Ҳерта» 2:2
Голлар: 1:0 — 24 Левандовски, 1:1 — 36 Лукебакио, 1:2 — 38 Груйич, 2:2 — 60, пенальти, Левандовски17 август, шанба
«Боруссия Д»—«Аугсбург» 5:1
Голлар: 0:1 — 1 Нидерлехнер, 1:1 — 3 Алькасер, 2:1 — 51 Санчо, 3:1 — 57 Ройс, 4:1 — 59 Алькасер, 5:1 — 82 Брандт«Байер»—«Падерборн» 3:2
Голлар: 1:0 — 10 Бэйли, 1:1 — 15 Мишел, 2:1 — 19 Хеверц, 2:2 — 25 Мамба, 3:2 — 69 Фолланд«Вольфсбург» — «Кёльн» 2:1
Голлар: 1:0 — 16 Арнолд, 2:0 — 60 Вегхорст, 2:1 — 90 Теродд«Вердер» — «Фортуна Д» 1:3
Голлар: 0:1 — 36 Ҳеннингс, 1:1 — 47 Эггештайн, 1:2 — 52 Караман, 1:3 — 64 Айхан«Фрайбург» — «Майнц» 3:0
Голлар: 1:0 — 81 Ҳолер, 2:0 — 84 Шмид, 3:0 — 87 Валдшмидт18 август, якшанба
«Айнтрахт» — «Ҳоффенхайм» 1:0
Гол: 1:0 — 1 Ҳинтереггер.«Унион» — «Лейпциг» 0:4
Голлар: 0:1 — 16 Ҳалстенберг, 0:2 — 31 Забицер, 0:3 — 42 Вернер, 0:4 — 69 Нкунку.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)