Finlyandiyaning Xelsinki shahrida politsiya samokat uchayotganlarning to‘rt nafarini birinchi marta jarimaga tortdi, deb xabar bermoqda “Korrespondent.net”. Ma’lum bo‘lishicha, ular odamlar gavjum trotuarda xavfli manyovrlar qilgan.
“Espoodagi gavjum trotuarda elektrosamokatni xavfli boshqargani uchun to‘rt nafar shaxsdan 40 yevrodan jarima undirildi”, — deb yozgan Finlyandiya politsiyasi Yo‘l harakati xavsizligi markazi rahbari Dennis Pastershteyn Twitter’dagi sahifasida va 4 ta ijara samokat suratlarini ilova qilgan.
Avvalroq Finlyandiya shifokorlari shahar samokatlarini ijaraga berish xizmati paydo bo‘lganidan beri shahar ko‘chalarida shikastlanishlar soni sezilarli oshganini qayd etgan.
Hozirda Finlyandiya poytaxt hududlarida samokatlarni ijaraga beruvchi 6 ta turli operatorlar ishlamoqda. Foydalanuvchi dastlab ilovada ro‘yxatdan o‘tgan holda yo‘lda uchragan istalgan samokatni ijaraga olishi mumkin.
Samokatni ishga tushirish uchun 1 yevro, keyin esa har bir daqiqa uchun 25 sent to‘lanadi.
Izoh (0)