Финляндиянинг Хелсинки шаҳрида полиция самокат учаётганларнинг тўрт нафарини биринчи марта жаримага тортди, деб хабар бермоқда «Korrespondent.net». Маълум бўлишича, улар одамлар гавжум тротуарда хавфли манёврлар қилган.
«Эспоодаги гавжум тротуарда электросамокатни хавфли бошқаргани учун тўрт нафар шахсдан 40 евродан жарима ундирилди», — деб ёзган Финляндия полицияси Йўл ҳаракати хавсизлиги маркази раҳбари Дэннис Пастерштейн Twitter’даги саҳифасида ва 4 та ижара самокат суратларини илова қилган.
Аввалроқ Финляндия шифокорлари шаҳар самокатларини ижарага бериш хизмати пайдо бўлганидан бери шаҳар кўчаларида шикастланишлар сони сезиларли ошганини қайд этган.
Ҳозирда Финляндия пойтахт ҳудудларида самокатларни ижарага берувчи 6 та турли операторлар ишламоқда. Фойдаланувчи дастлаб иловада рўйхатдан ўтган ҳолда йўлда учраган исталган самокатни ижарага олиши мумкин.
Самокатни ишга тушириш учун 1 евро, кейин эса ҳар бир дақиқа учун 25 сент тўланади.
Изоҳ (0)