Tojikiston moliya vaziri Fayziddin Qahhorzoda Forbes jurnalining milliarderlar ro‘yxatida birorta ham tojikistonlik fuqaro yo‘qligidan afsusda ekanligini ma’lum qildi, deb xabar beradi “News.tj”.
“Afsuski, hozircha Forbes’da biror-bir hamyurtimiz yo‘q. Ular bo‘lganida mamlakatimiz iqtisodiyoning rivojlanishi uchun o‘z hissalarini qo‘shgan bo‘lardi, albatta”, — deydi moliya vaziri.
Shuningdek, Qahhorzoda respublikada millioner va milliarderlar bor-yo‘qligi haqida ma’lumotga ega emasligini ta’kidlab o‘tgan. Qahhorzoda mazkur masalani Moliya vazirligi faoliyatiga taalluqli emasligi bilan tushuntirgan.
Ta’kidlash kerakki, 2018-yilda tojikistonlik Azizjon Azimiy Forbes jurnali tomonidan tuzilgan 30 yoshgacha bo‘lgan millionerlar ro‘yxatidan o‘rin olgandi.
Azizjon Azimiy Nyu-York universitetining eng yosh bitiruvchisi hisoblanadi. U tojikistonlik yoshlarning huquq va imkoniyatlarini kengaytirishga yo‘naltirilgan Tajrupt nodavlat tashkiloti asoschisi va raisidir.
Izoh (0)