Tojikistonda 1-avgust kuni Opel Astra mashinasi Panj daryosiga qulashi oqibatida undagi yo‘lovchilar halok bo‘ldi, deb xabar bermoqda “Asia-Plus”.
Baxtsiz hodisa Shoxin tumanidagi Yaxchipuna degan joyda sodir bo‘lgan. Mashina haydovchisi 47 yoshli Behzod Valiyev Dushanbedan Xorog shahriga ketayotgan bo‘lgan. Yo‘lda boshqaruvni yo‘qotgan va mashinasi Panj daryosiga qulagan.
Oqibatda haydovchi ham, undagi 4 nafar yo‘lovchi cho‘kib ketgan. Hozirda ularning jasadlari qidirilmoqda.
Avvalroq Tojikistonning Shahriston dovonida ro‘y bergan YTHda 42 yashar o‘zbekistonlik halok bo‘lgani haqida xabar berilgan edi.
Izoh (0)