AQSh bugun, 2-avgust kuni “sovuq urush”ga barham berishi ko‘zlangan O‘rta va qisqa masofaga uchuvchi raketalarni yo‘q qilish to‘g‘risidagi Rossiya—Amerika shartnomasidan rasman chiqdi. Bu haqda “Korrespondent.net” xabar berdi.
Ushbu shartnoma 1987-yilda SSSR rahbari Mixail Gorbachyov va AQSh prezidenti Reygan tomonidan imzolangan. Hujjat har ikkala mamlakatga 500 dan 5000 kilometrgacha masofaga otiladigan raketalarga ega bo‘lishni taqiqlagan. Ushbu shartnomaning imzolanishi dunyoni “sovuq urush” holatidan olib chiqqan.
Avvalroq AQSh O‘rta va qisqa masofaga uchuvchi raketalarni yo‘q qilish to‘g‘risidagi shartnomadan rasman chiqmoqchi ekanligini ma‘lum qilgan va Rossiyani ushbu shartnomani buzganlikda ayblagan edi.
Izoh (0)