Bugungi kunda har qanday sohani yoki kundalik turmushimizni elektr energiyasiz tasavvur qilish qiyin. Energiya resurslaridan oqilona va samarali foydalanish, ularning isrof bo‘lishini oldini olish, shu bilan birga, elektr jihozlaridan foydalanishda xavfsizlik madaniyatini har bir iste’molchiga yetkazish bugungi kunda asosiy masala hisoblanadi.
O‘zbekiston Energetika vazirligi huzuridagi “O‘zenergoinspeksiya” Farg‘ona hududiy bo‘limi tomonidan o‘quv-seminari o‘tkazildi.Unda “O‘zenergoinspeksiya” viloyat bo‘limi hamda barcha viloyatlar hududiy bo‘limlari rahbarlari, “Farg‘ona hududiy elektr tarmoqlari korxonasi” AJning tegishli mutasaddilari, Farg‘ona viloyatida faoliyat yuritib kelayotgan 50 dan ortiq yirik tardbirkorlik subyektlari va sanoat korxonalari vakillari ishtirok etdi.
Mazkur o‘quv-seminarda insonlarning elektr tokidan jarohatlanishining oldini olish borasidagi tadbirlar va xavfsizlik texnikasi qoidalariga rioya etilishi, elektr energiyasidan oqilona va tejamkorlik bilan foydalanish, iste’molchilarda quvvat kompensatsiyasi natijasida elektr energiyasini iqtisod qilish va elektr tarmoqlaridagi isroflarni kamaytirish choralari muhokama qilindi.
Tadbir yakunida tadbirkorlar tomonidan berilgan savollarga mutasaddi xodimlar tomonidan atroflicha javoblar berildi.
Reklama huquqi asosida.
Izoh (0)