Vazirlar Mahkamasi 2020—2022-yillarda mahalla fuqarolar yig‘inlari hududlarining bosh reja loyihalari ishlab chiqilishi bilan bir vaqtda qishloq (ovul) aholi punktlarini batafsil rejalashtirish loyihalarini hamda yondosh mahallalarni shaharsozlik jihatidan rivojlantirish sxemalarini ishlab chiqish dasturini tasdiqlash to‘g‘risida qaror qabul qildi.
Hujjatda belgilanishicha, dasturni amalga oshirish bo‘yicha buyurtmachi funksiyasi Qoraqalpog‘iston Respublikasi Qurilish vazirligi hamda viloyatlar qurilish bosh boshqarmalari zimmasiga yuklatiladi;
“Qishloqqurilishloyiha” MChJ mahalla fuqarolar yig‘inlari hududlarining bosh reja loyihalari ishlab chiqilishi bilan bir vaqtda qishloq (ovul) aholi punktlarini batafsil rejalashtirish loyihalarini, topografiya-geodeziya ishlarini va shaharsozlik hujjatlarini ishlab chiqish uchun muhandislik-geologiya kidiruv ishlarini amalga oshiradi;
mahalla fuqarolar yig‘inlari hududlarining bosh reja loyihalari ishlab chiqilishi bilan bir vaqtda qishloq (ovul) aholi punktlarini batafsil rejalashtirish loyihalarini ishlab chiqish jarayonida yondosh mahallalarni shaharsozlik jihatidan rivojlantirish sxemasi ham ishlab chiqiladi.
Qarorda ko‘rsatilishicha, respublika bo‘yicha jami 316 ta mahalla fuqarolar yig‘inlari shaharsozlik hujjatlarini ishlab chiqish rejasiga kiritilgan.
Izoh (0)