Moliya vaziri Jamshid Qo‘chqorov Energetika vazirligiga tegishli bo‘lgan korxonalar xususiylashtirilishini ma’lum qildi. U bu haqda jurnalistlar bilan bo‘lib o‘tgan ochiq muloqotda aytib o‘tdi, deya xabar berdi “Daryo” muxbiri Musulmonbek Ibrohimov.
Moliya vazirining ta’kidlashicha, eskicha tizimda ishlab kelayotgan elektr energetika va neftgaz sohasidagi davlat korxonalarining barchasi xususiylashtiriladi.
Bozor iqtisodiyotida narxlar foyda keltiradigan darajada bo‘lishi kerak. Narxlar erkin bo‘lishi kerak. Lekin energiya resurslari tariflari monopol narxlar. Shuning uchun, ularni erkin qo‘yolmaymiz. Narxlar harajatni qoplaydigan deganda bu juda murakkab mavzu. Sizlar menga ‘Elektr energetika va neftgaz sohasidagi narxlar xarajatlarni qoplaydigan bo‘lishi kerak, foyda keltiradigan bo‘lishi kerak deyapsiz. Xo‘p, o‘rtoq Qo‘chqorov, siz bizga aytingchi, u sohalarda yo‘qotishlar qancha, o‘g‘irliklar qancha, noqonuniy harajatlar qancha, samarasiz harajatlar qancha yoki neftgazni otxonasi ham bor, fermasi ham bor, kecha Qashqadaryoda ko‘rib keldim — bog‘i ham bor uni nima aloqasi bor’ֹ, deb aytishinglar mumkin. Ha, to‘g‘ri. Hammasini xususiylashtirishga qo‘yganmiz. O‘zini sohasidan boshqa hechnimasi qolmaydi. Neftgazni ichida yo o‘zbekenergiyani ichida molxonasiyam bor, boshqasi ham bor. Yo‘q, endi bo‘ldi, o‘zini ishini qilsin.Bizda narx-navoda nima erkin emas? Faqat, manashu monopoliyalarimizning narxlari. Energetika vazirligiga tegishli bo‘lgan, aniqrog‘i, tegishi deyimshimiz ham noto‘g‘ri. Ular ham iqtisodiy subyekt. ‘O‘zbekneftgaz’ni ham, ‘O‘zbekenergo’ni ham, ularni hammasini nasib bo‘lsa, biz xususiylashtiramiz. Bu sohalarda umuman davlat korxonasi qolmasligi kerak. Boshqa tadbikorlik subyektlariga o‘xshab bozorga chiqib narsasini sotishi kerak.
Jamshid Qo‘chqorov, O‘zbekiston Moliya vaziri
Izoh (0)