Deputat Rasul Kusherboyev Adliya vazirligi tomonidan 2019-yil may—iyun oylarida fuqarolarning ko‘chmas mulkka bo‘lgan huquqlariga rioya etilishini o‘rganish maqsadida murojaatlarni alohida qabul qilish va ko‘rib chiqish bo‘yicha e’lon qilingan aksiya natijalari borasida o‘z munosabatini bildirdi.
“Adliya vazirligi ko‘chmas mulklarni buzish, ya’ni snos masalasida ko‘plab qonunbuzarliklar bo‘layotganligini aniqlabdi. Qoyil, buni tan olishning o‘zi katta gap.
Endi bu yog‘iga prokuratura bu faktlar bo‘yicha chora ko‘rishini kutib qolamiz.
Ko‘chmas mulk daxlsizligi bo‘yicha prinsip va qonunlarimizni oyoqosti qilayotgan mas’ullar, hokimlar va ularga topshiriq berib panada yurganlarga qonunlarda ko‘rsatilganidek qat’iy jazo berish amaliyotiga o‘tilmas ekan, odamlarning roziligini olib bo‘lmaydi. Ota-bobolarimiz aytganidek, qushning ham ini bo‘zilmasin”, — deyiladi deputat qoldirgan postda.
Shuningdek, Kusherboyev Toshkent viloyati Yangiyo‘l tumanida buzilayotgan uylar hududida bo‘lib, bu masala yuzasidan ham Facebook’da post yozdi.
“Yana ‘snos’ masalasi. Odamlarning dardini borib eshityapmiz, mas’ullarga yetkazyapmiz. Bu burchimiz. Javobiga esa.. mas’ullarning tuhmatiga qolyapmiz.
Deputatning sindirishni oson yo‘lini topgan ‘mag‘zavachi’ erkak mas’ullarimizga gap yo‘q, odamlarni o‘ylamay, faqat ‘ochko olish’ maqsadlaridan toymasinlar ekan”, — deyiladi postda.
Izoh (0)