O‘zbkistonni 2030-yilga borib iqtisodiyoti o‘rtadan yuqori daromadli mamlakatlar qatoriga qo‘shish va jon boshiga YaIMni 4500 dollarga yetkazish prognoz qilinmoqda. Bu haqda 22-iyul kuni Iqtisodiyot va sanoat vazirligi vakillari bilan bo‘lib o‘tgan ochiq muloqotda ma’lum qilindi, deya xabar bermoqda “Daryo” muxbiri Musulmonbek Ibrohimov.
Iqtisodiyot va sanoat vazirligi mutasaddilarining ta’kidlashicha, O‘zbekistonni 2030-yilga qadar ijtimoiy-iqtisodiy kompleks rivojlantirish konsepsiyasida quyidagilarni amalga oshirish rejalashtirilmoqda:
- Institutsional islohotlarni amalga oshirish, mamlakat iqtisodiyotini barqaror o‘sishini ta’minlash orqali tadbirkorlik faoliyati uchun qulay shart-sharoitlar yaratish.
- Mamlakat ijtimoiy-iqtisodiy jabhalarini erkinlashtirishga va bozor iqtisodiyoti boshqaruv mexanizmlarini joriy etishga qaratilgan islohotlarni amalga oshirgan holda pul-kredit va soliq-budjet instrumentlaridan samarali foydalanish.
- Sanoatning qayta ishlash tarmog‘ida qo‘shilgan qiymatning davomiy zanjiri jadal o‘sishi va noxomashyo bozorlarni kengaytirish uchun zaruriy sharoitlar yaratish.
- Qishloq xo‘jaligida resurslarni taqsimlash, narx shakllanishining bozor mexanizmlariga bosqichma-bosqich o‘tish, yer va suvdan foydalanishning samarali yangi mexanizmlarini joriy etish.
- Xizmatlar sohasida raqobat muhitini rivojlantirish, yuqori qo‘shilgan qiymatga ega sohalarni rag‘batlantirish.
- Ta’lim tizimi sifatini oshirishda jahon standartlarini joriy etish, aholini ta’lim xizmatlari bilan qamrab olish darajasini oshirish, ta’lim muassasalari moddiy texnik bazasini mustahkamlash.
- Sifatli tibbiyot xizmatlariga aholini foydalanish imkoniyatlari samaradorligini keskin oshirishni, zamonaviy tibbiyot ilm-fan va texnologiyalarini joriy etishni ta’minlovchi sog‘liqni saqlashning yangi modelini shakllantirish.
- Davlat tomonidan kafolatlangan aholini ijtimoiy himoya qilish tizimini takomillashtirish.
- Raqobatbardosh va eksportga yo‘naltirilgan ishlab chiqarishni rivojlantirish va tashkil etish maqsadida ishlab chiqarish, muxandislik – kommunikatsiya, yo‘l – transport, ijtimoiy infratuzilma va logistika xizmatlarini jadal rivojlantirish.
- Uzluksiz kasb-hunar ta’limi tizimini takomillashtirish, yoshlarni qayta tayyorlash va malakasini oshirish orqali mehnat resurslari raqobatbardoshligini oshirish muammosini hal etish.
- Investitsiya, tarmoq dasturlarini ishlab chiqish va amalga oshirish, klasterlar, erkin iqtisodiy va kichik sanoat zonalari, innovatsion texnoparklar hamda yangi korxonalarni asosan mehnat bozoridagi keskin vaziyatga ega hududlarda joylashtirish asosida yangi ish o‘rinlarini yaratish jarayonini jadallashtirish.
- Milliy iqtisodiyotning raqobatdoshligini barqaror o‘sish va hududlarni kompleks rivojlanishini ta’minlovchi investitsiya va biznes muhitini yaxshilash.
- Ishlab chiqarish kuchlarini oqilona taqsimlash, hududlarning mavjud tabiiy-iqtisodiy salohiyatdan va raqobat ustunliklaridan maksimal darajada foydalanish orqali hududlarning barqaror ijtimoiy-iqtisodiy rivojlanishini ta’minlash.
- Iqtisodiy va ishlab chiqarish resurslaridan foydalanishni kengaytirish, texnoparklar tizimini yaratish, ishbilarmonlik zonalarini rivojlantirish, shaharlardagi turar-joy binolarini qurishda investitsiyalarni qo‘llab-quvvatlashni nazarda tutuvchi maxsus chora-tadbirlar orqali tubdan yangi uy-joy siyosatini amalga oshirish bilan urbanizatsiya jarayonini ma’muriy tartibga solishning ishonchli tizimini yaratish.
- Kichik biznes va xususiy tadbirkorlikni har tomonlama qo‘llab-quvvatlash va rag‘batlantirish, tadbirkorlik subyektlarini davlat tomonidan boshqarishni qisqartirish, moliyaviy va tovar xomashyo resurslari bozoridan foydalanishda bozor mexanizmlarini qo‘llash.
Izoh (0)