Депутат Расул Кушербоев Адлия вазирлиги томонидан 2019 йил май—июнь ойларида фуқароларнинг кўчмас мулкка бўлган ҳуқуқларига риоя этилишини ўрганиш мақсадида мурожаатларни алоҳида қабул қилиш ва кўриб чиқиш бўйича эълон қилинган акция натижалари борасида ўз муносабатини билдирди.
«Адлия вазирлиги кўчмас мулкларни бузиш, яъни снос масаласида кўплаб қонунбузарликлар бўлаётганлигини аниқлабди. Қойил, буни тан олишнинг ўзи катта гап.
Энди бу ёғига прокуратура бу фактлар бўйича чора кўришини кутиб қоламиз.
Кўчмас мулк дахлсизлиги бўйича принсип ва қонунларимизни оёқости қилаётган масъуллар, ҳокимлар ва уларга топшириқ бериб панада юрганларга қонунларда кўрсатилганидек қатъий жазо бериш амалиётига ўтилмас экан, одамларнинг розилигини олиб бўлмайди. Ота-боболаримиз айтганидек, қушнинг ҳам ини бўзилмасин», — дейилади депутат қолдирган постда.
Шунингдек, Кушербоев Тошкент вилояти Янгийўл туманида бузилаётган уйлар ҳудудида бўлиб, бу масала юзасидан ҳам Facebook’да пост ёзди.
«Яна ‘снос’ масаласи. Одамларнинг дардини бориб эшитяпмиз, масъулларга етказяпмиз. Бу бурчимиз. Жавобига эса.. масъулларнинг туҳматига қоляпмиз.
Депутатнинг синдиришни осон йўлини топган ‘мағзавачи’ эркак масъулларимизга гап йўқ, одамларни ўйламай, фақат ‘очко олиш’ мақсадларидан тоймасинлар экан», — дейилади постда.
Изоҳ (0)