Toshkentning Chilonzor tumanida joylashgan “Algoritm” elektr podstansiyasidagi yuqori kuchlanishli transformatorda 20-iyul kuni soat 18:00 atrofida yong‘in chiqqani haqida avval xabar berilgan edi.
Toshkent shahar hokimligi matbuot xizmatining shahar Elektr tarmoqlari korxonasiga asoslanib xabar berishicha, yong‘in oqibatida Algoritm-30 va 31-dahalarida elektr ta’minotida uzilish yuz bergan.
Qayd etishlaricha, hozirda podstansiyada ta’mirlash ishlari olib borilayotgan bo‘lib, “soat 24:00 da elektr energiya uzatish to‘liq tiklanadi”. “Mazkur dahalarda yashovchi hurmatli hamshaharlardan turmushdagi noqulayliklar uchun uzr so‘raymiz”, — deyiladi hokimlik axborotida.
Izoh (0)