Davlat test markazi (DTM) saytida 2019/2020-o‘quv yili uchun oliy ta’lim muassasalari (OTM)ga hujjat topshirgan abituriyentlar uchun test imtihoniga kirish ruxsatnomasini onlayn olish imkoniyati yo‘lga qo‘yildi.
Abituriyentlar ruxsatnoma.dtm.uz sahifasi orqali ruxsatnomani yuklab olib, printerdan chiqarib olishi mumkin.
Ruxsatnomani mustaqil olish imkoniyatiga ega bo‘lmagan abituriyentlar quyidagi muassasalarga murojaat etishlari lozim:
- yashash joyidan qat’i nazar, ixtiyoriy tuman (shahar)dagi Davlat xizmatlari markazlari;
- yashash joyidan qat’i nazar, ixtiyoriy OTM qabul komissiyasi;
- yashash joyidan qat’i nazar, ixtiyoriy Bandlik va mehnat munosabatlari vazirligining tuman (shahar) bo‘limlari.
Qayd etishlaricha, DTM saytiga murojaatlar soni haddan ziyod ko‘pligi bois, ruxsatnomani yuklab olishda ayrim qiyinchiliklar yuzaga kelishi mumkin.
Izoh (0)