25 yoshli Xloe Xeyns samolyot bortida qilgan to‘poloni sabab 105 ming dollar jarimaga tortildi. Buning oqibatida reys yo‘nalishini o‘zgartirgan va harbiy samolyot yordamga chaqirilgan, deb xabar beradi Forum Daily.
Jet2 kompaniyasi ayolga butun umr aviakompaniya xizmatlaridan foydalanishni taqiqlagan va “tajovuzkor va xavfli xatti-harakatlari”, shuningdek, “samolyot eshigini ochishga urinishda” ayblagan. Samolyot London xalqaro aeroportidan Turkiya janubi-g‘arbiga parvoz qilayotgan bo‘lgan.
Aviakompaniyaning ma’lum qilishicha, ekipaj boshqa yo‘lovchilar yordamidan foydalanib, Xaynsni qo‘lga olishga majbur bo‘lgan. Shuningdek, samolyot Qirollik harbiy-havo kuchlariga tegishli ikkita harbiy samolyot hamrohligida Londonga qaytgan.
Jet2 vakillarining so‘zlariga ko‘ra, belgilangan jarima aviakompaniyaga yetkazilgan zararni qoplash uchun sarflanadi.
Izoh (0)