Boeing korporatsiyasi 737 MAX modelidagi samolyotlar parvozining to‘xtatilishi sabab 2019-yilning II choragida 5,6 milliard zarar ko‘radi, deb xabar berdi “RIA Novosti”.
Korporatsiyaning II chorakka oid to‘liq moliyaviy hisoboti 24-iyul kuni e’lon qilinadi.
737 MAX samolyotlarining parvozi shu turdagi ikkita havo kemasi halokatga uchraganidan so‘ng, AQSh va boshqa ko‘plab mamlakatlarda to‘xtatib qo‘yildi. Mart oyida Efiopiyada Boeing 737 MAX’ning falokatga uchrashi oqibatida 157 kishi halok bo‘lgan edi. 2018-yilning noyabrida esa xuddi shu turdagi samolyot Indoneziyada ham yerga qulab tushgan.
Sodir bo‘lgan ko‘ngilsiz hodisalardan so‘ng, 20 ga yaqin davlatlar bu turdagi modelning o‘z hududiga kirishini taqiqlagan.
Izoh (0)