Ta’lim muassasasini tugatganlik to‘g‘risidagi hujjatlari soxta deb gumon qilingan O‘zbekiston fuqarolari Finlyandiyadan deportatsiya qilinganligi to‘g‘risida xorijiy OAVda paydo bo‘lgan xabarlar O‘zbekistonning Riga (Latviya)dagi elchixonasi tomonidan tasdiqlandi.
O‘zbekiston Tashqi ishlar vazirligining ma’lum qilishicha, “ayni paytda elchixona vaziyatni nazoratga olgan hamda batafsil ma’lumot olish uchun Finlyandiyaning rasmiy vakillari bilan aloqa o‘rnatgan”.
Avvalroq Finlyandiya migratsiya xizmati O‘zbekistonning 140 fuqarosini mamlakatdan chiqarib yuborish haqida qaror qabul qilgani ma’lum bo‘lgandi. “Kun.uz”ning yozishicha, bunga o‘zbekistonliklar Yevropada ishga kirish uchun ko‘rsatgan qurilish texnikumining soxta diplomlari sabab bo‘lgan.
Ta’kidlanishicha, qurilish texnikumi sobiq Ittifoq davridayoq yopilib ketgan bo‘lgan.
Izoh (0)