Таълим муассасасини тугатганлик тўғрисидаги ҳужжатлари сохта деб гумон қилинган Ўзбекистон фуқаролари Финляндиядан депортация қилинганлиги тўғрисида хорижий ОАВда пайдо бўлган хабарлар Ўзбекистоннинг Рига (Латвия)даги элчихонаси томонидан тасдиқланди.
Ўзбекистон Ташқи ишлар вазирлигининг маълум қилишича, «айни пайтда элчихона вазиятни назоратга олган ҳамда батафсил маълумот олиш учун Финляндиянинг расмий вакиллари билан алоқа ўрнатган».
Аввалроқ Финляндия миграция хизмати Ўзбекистоннинг 140 фуқаросини мамлакатдан чиқариб юбориш ҳақида қарор қабул қилгани маълум бўлганди. «Kun.uz»нинг ёзишича, бунга ўзбекистонликлар Европада ишга кириш учун кўрсатган қурилиш техникумининг сохта дипломлари сабаб бўлган.
Таъкидланишича, қурилиш техникуми собиқ Иттифоқ давридаёқ ёпилиб кетган бўлган.
Изоҳ (0)