Erondan Suriyaga neft tashiyotgan tankerning qo‘lga olinish tafsilotlari ma’lum bo‘ldi, deb yozmoqda “Vesti.ru”.
Amaliyotni Britaniya dengiz qo‘shini, Gibraltar Havo-desant qo‘shini va politsiyasi olib borgan. Unda 30 dan ortiq kishilar ishtirok etgan. Kemaga keragidan ortiq yuk ortilgan bo‘lib, 2 million barrel neft olib ketayotgan bo‘lgan. Gibraltar hukumati ma’lumotiga ko‘ra, tanker mamlakatga neft savdosini taqiqlovchi antisuriya sanksiyalarini buzgan.
“Men port rahbariyatiga Gibraltar Qirollik politsiyasi va Buyuk Britaniya bojxona xizmati yordami bilan “Greys-1”ni nazoratga olish to‘g‘risida ko‘rsatma berdim. Mening roziligim bilan port politsiyasi amaliyotni o‘tkazish yuzasidan Britaniya dengiz qo‘shiniga murojaat qildi. Kema Yevropa Ittifoqi sanksialariga tushgani sababli, Yevropa Komissiyasi va Yevopa Kengashi rahbarlarini biz o‘tkazayotgan ishlardan xabardor qildim”, — degan Gibraltar vaziri Fabian Pikardo.
Eronda sodir bo‘lgan voqeaga javob bildirilgan. TIVga Britaniya elchisi chaqirilib, tushuntirish talab qilingan. Tehronning fikricha, qo‘lga olinish Fors ko‘rfazidagi keskinlikning kuchayishiga olib kelishi mumkin.
Izoh (0)