Эрондан Сурияга нефть ташиётган танкернинг қўлга олиниш тафсилотлари маълум бўлди, деб ёзмоқда «Вести.ru».
Амалиётни Британия денгиз қўшини, Гибралтар Ҳаво-десант қўшини ва полицияси олиб борган. Унда 30 дан ортиқ кишилар иштирок этган. Кемага керагидан ортиқ юк ортилган бўлиб, 2 миллион баррель нефть олиб кетаётган бўлган. Гибралтар ҳукумати маълумотига кўра, танкер мамлакатга нефть савдосини тақиқловчи антисурия санкцияларини бузган.
«Мен порт раҳбариятига Гибралтар Қироллик полицияси ва Буюк Британия божхона хизмати ёрдами билан «Greyс-1»ни назоратга олиш тўғрисида кўрсатма бердим. Менинг розилигим билан порт полицияси амалиётни ўтказиш юзасидан Британия денгиз қўшинига мурожаат қилди. Кема Европа Иттифоқи санксиаларига тушгани сабабли, Европа Комиссияси ва Евопа Кенгаши раҳбарларини биз ўтказаётган ишлардан хабардор қилдим», — деган Гибралтар вазири Фабиан Пикардо.
Эронда содир бўлган воқеага жавоб билдирилган. ТИВга Британия элчиси чақирилиб, тушунтириш талаб қилинган. Теҳроннинг фикрича, қўлга олиниш Форс кўрфазидаги кескинликнинг кучайишига олиб келиши мумкин.
Изоҳ (0)